近日，TVB视后李佳芯（Ali）出席慈善画展，写了个“善”字作拍卖，表示写了几百次才满意，同期又参与另一展览整陶瓷。她开心作品有人欣赏，其中今次更有2个人想买其作品：“底价1万5千蚊，有人愿意出多5千蚊买。”
讲到汪明荃与老公罗家英一起写书法，问到可会想与另一半一起这样做？她笑言：“都想，但咁浪漫嘅事点会发生喺我身上，向呢个目标进发。（或者一齐整陶瓷？）鸳鸯写字先啦，人哋鸳鸯戏水，我就鸳鸯写字。
提到与陈炳铨传分手，问到可是对方不肯一起写字？她就谓：“冇同身边人做过呢样嘢，但我锺意嘅嘢人哋未必锺意。（唔同兴趣好可惜？）有好有唔好，每人有唔同专长，可以交流。”
问到可会写个字送给对方？她即避谈：“依家呢个时候点解仲送畀佢？（朋友都可以送？）既然我写嘅字有价值，如果有朋友生日或喜庆都可以考虑送嘅。”问到可会写个“朋”、“友”或“爱”字送给他？她即笑言：“我唔系咁流于表面，爱字唔会成日讲出口。（唔可以就咁摆喺心？）要做出嚟。”全场即大笑，自知讲错嘢的她即补镬指是要行动出来。
另外，提到有指TVB放生她，《智能爱人》将提早播出，为她铺路再争视后，她表示：“净系知4月会喺myTV SUPER播先，其他唔知。（铺路再争视后？）套剧未出未谂，不过我神算都可能会有份提名视后，哈哈。（TVB放生你？）唔知人哋系点，我就放生自己。”
