现年39岁的李施嬅一直不肯公开真命天子身份，原来其未婚夫大有来头，正是周润发与郭富城的健身教练车崇健（Anson Cha），Anson家底丰厚，名下有过千万物业！日前她秘密由加国返港，刚隔离完即出关会爱郎，全程获未婚夫锡到燶，她亦甜蜜蜜大讚：「佢真係好有风度！」
艺人李施嬅上月晒巨鑽宣布订婚，赶在4字头前成为人妻，她以未来老公是圈外人为由，坚拒透露对方底细，只称呼另一半做「C君」。而「胡说八道」一班姊妹胡定欣与姚子羚等亦封口，但不忘大讚对方是好男人。据知，李施嬅未婚夫Anson与不少圈中红星相熟，包括周润发与城城等，更是他们的健身教练。由于她亦喜欢做运动，难怪一拍即合，不过，Anson性格向来低调，故2人拍拖3年多亦保密恋情。
事后她知道未婚夫身份被识穿，亦大方承认与Anson拍拖多年。问到是否因健身擦出爱火花？她笑言：「佢冇train过我㗎！我哋係朋友介绍认识。（点解收得咁密？）佢始终係圈外人，想畀番啲私隐佢，佢份人好低调，我唔想影响到佢。不过，我都train紧佢，希望慢慢冇咁怕丑。」说到Anson好细心，她冧爆表示：「佢係好有风度，不嬲都好gentleman，嗰日食饭其他都係女士嚟嘛！因为我隔离困咗咁耐，所以出去约埋朋友食饭。」
