TVB视后胡杏儿穿上2吋厚底高踭鞋，挺住8个月巨肚到铜锣湾出席代言人活动。她透露预产期在本月底，胎儿现重5磅多，预算顺产分娩。问到BB性别？她笑说：“想BB出世先公布，等大家估吓。（开始闭关？）仲有一个访问要做，其实出席完春晚之后都冇再北上，喺屋企凑仔。（佗第3胎重咗几多磅？）廿几磅，今次佗B感觉同之前差唔多，系胃口唔同咗，今次好锺意食寿司、牛肉，不过都系食熟嘅寿司。（接定产后工作？）生完先啦，等自己靓番同埋收咗身先接工作，坐月都起码1个月。”
讲到有指她早前3个月内极速赚300万人民币，她笑而不语但承认产前多赚一点钱，随后可以多点时间陪小朋友。问到可有兴趣返娘家拍剧？她说：“有机会当然欢迎啦，TVB系我娘家。（返TVB拍剧冇赚得咁多？）同娘家唔系讲钱嘅，最紧要开心，同埋角色啱。”
