电视城由广播道、清水湾再入到将军澳电视广播城总有一条“木人巷”，里面全是身经百战、十八般武艺的全能艺人，而TVB之前锐意改革综艺节目，先后炮制《好声好戏》及《盛．舞者》等，发现TVB确是卧虎藏龙之地，继跳舞、配音后，日前内部再广发英雄帖，招募能演、能歌、能舞、能Gag、能主持的艺员参与节目《飞越木人巷》大挑战，如节目中通过“综艺全能”及“戏剧全能”考验而获得“TVB全能艺人”殊荣的艺人，可以成为TVB综艺节目主持或剧集男一或女一的机会。圈中不少小花及二线男生都跃跃欲试，是时候给怀材不遇的艺人争取“升呢”机会。
港姐出生的黄嘉雯、郭柏妍已有不少拍剧机会，但二人都坦言想挑战一下，黄嘉雯受访时谓：“有兴趣试吓，参加完港姐之后都好耐冇试过比赛，都想畀啲challenge自己，想借呢个机会令自己进步，（如果赢咗想演咩角色？）呢排反而想试吓挑战奸角或反派，令观众更想追看角色系咩苦衷令佢做坏事。好似袁伟豪喺《刑侦日记》入边做嘅奸角，都好打破佢以往嘅正派形象，做得好好睇、好有新鲜感。”她又指自己一直梦寐以求想做旅游节目主持，更愈讲愈兴奋的谓：“饮食节目都好适合我，我本身都好大胆，上山落水都冇问题㗎！”
郭柏妍恨拍剧演空姐
而郭柏妍拍过几个剧集，更曾被监制赞赏，她坦言想参加节目：“如果度到期我都想参加，因为有机会表现自己能力，作为一个新演员，经过之前好好彩有拍剧机会，知道自己真系好锺意做戏，任何角色都好想去试，不过我细个一直都觉得空中小姐好靓，如果真系有机会我好想试吓做空姐。”
而《爱．回家之开心速递》的“送水辉”许家杰坦言已报名：“其实赛制系点我未知，自己心态唔系想做男一，而系想透过呢个节目挑战自己，想除咗‘送水辉’之外，畀观众睇到我许家杰仲有乜嘢！”
他又透露填报名表格当日要写自我介绍及参加原因：“自我介绍我写自己系09年香港先生，以前跳过拉丁舞，参加过《舞动奇迹》，而原因我系写‘38岁但仍然好有火嘅演员’，以前冇乜机会自荐，依家有个机会话畀人知，好似《盛．舞者》咁，好多同事系由Dancer转做艺人，依家又畀多啲人认识，好似陈自瑶咁，几个节目中大家睇到佢仲系好有火，而之前张頴康学周星驰配音好犀利，同佢倾落先知，原来有段时间佢做过配音，公司真系好多卧虎藏龙。”
他又指一系唔做，一做就会好认真，问如果有机会做“男一”，会想拍甚么剧时，他谓：“梗系篮球或者跳舞啦！不过我仲有个心愿，等我有机会胜出我一定会讲出嚟！”
而新人游嘉欣演戏出色，她坦言攞经验，所以会报名：“啱啱接触演戏，做过嘅角色唔系多，好多角色都有兴趣，不过自己从小就好锺意科幻嘅嘢，好似‘蒲松龄’咁，古装得嚟系有啲科幻嘢，我都想试吓呢类剧集。”
“运动健将”孔德贤坦言已收到通知，他谓：“都希望参加，如果有幸做男一，我好想拍运动题材剧集，演一个运动员，由一个唔叻运动嘅人，经过一段努力同苦练，成为一个成功选手。希望观众可以感受到运动员嗰份激情，同埋都想畀观众知，台上一分钟，台下十年功。”
而丁子朗之前曾任节目主持及短剧《青春不要脸》男主角，对于今次全能艺人挑战，他谓：“经理人有通知我，我想挑战吓自己，难得有个比赛，应希望可以喺其他同事身上学到更多。”
