现年39岁嘅沈卓盈2019年与富贵男友结婚后育有一子Jayden。婚后嘅佢过住少奶奶嘅日子，日前佢带埋仔仔出街，一身贵妇行头够晒抢眼！连BB车都係名牌，佢与老公住过亿豪宅，生活十分富贵。
现年39岁沈卓盈与富贵老公婚后诞下一子
沈卓盈2002年参加“第四届《TVB週刊》Cover Girl选举”夺得冠军入行，喺TVB工作16年嘅佢最为人熟悉嘅代表作係《古灵精探B》“陆安彤（Icy姐姐）”一角，一直无做过女主角嘅佢终于喺2018年离巢。
之后无几耐佢就宣佈婚讯，与富贵男友杜灏标（Calvin）结婚，婚后诞下儿子Jayden，一家三口尽享天伦之乐。
沈卓盈带儿子出巡，全身名牌行头超富贵
嫁畀有米老公嘅沈卓盈日前带仔仔出街，心情超靓仲喺IG留言：“今日约咗位小鲜肉，任揽任锡冇诈型”，与仔仔甜蜜约会嘅佢冧到爆，但都唔及一身富贵行头抢眼！
喺首饰方面一眼就睇到Chanel 经典双C Logo颈鍊，手袋係DIOR TOTE Bag，官方售价为HK$25,500、而鞋则係Gucci Leather mid-heel loafer，官方售价係HK$9,900。连载住Jayden嘅BB车都係Fendi，两母子出巡行头超富贵！
沈卓盈老公经营家族内衣生意，历任男友全部非富则贵
沈卓盈虽然星途一般，但遇上真命天子嘅佢生活十分幸福。沈卓盈之前嘅男友全部都非富则贵：富二代飞机师Simon、家住市值过亿豪宅金融才俊Ray，现任老公来头亦唔普通。
沈卓盈老公杜灏标（Calvin）经营家族内衣生意，出口更遍及欧美多地，佢同老公去咗英国同法国影婚纱相，又喺泰国布吉举行婚礼，当时沈卓盈老公仲安排放烟花，非常有心思！
沈卓盈与老公、儿子同住过亿豪宅
老公家底丰厚，沈卓盈婚后亦同老公同住过亿独立屋，佢曾公开过屋企厨房，空间大到可以摆到超多食材，而且气炸锅、焗炉、咖啡机等一应俱全，白色窗框好有欧式风格。
沈卓盈大晒贵妇行头名牌袋
嫁人后嘅沈卓盈晋身贵妇行列，佢IG亦不时大晒名牌手袋同衫！佢嘅收藏有LV、Chanel、Gucci、Dior，款式亦非常多。当然唔少得贵妇嘅象徵Hermès Kelly Bag！
